Komisioni i Ligjeve miratoi të mërkurën në parim draftin e amendimeve në Kodin Zgjedhor, sipas variantit të dakordësuar në Këshillin Politik. Projektligji u miratua vetëm me votat e socialistëve, pasi opozita parlamentare u shpreh kundër, pasi kërkoi me ngulm depolitizimin e komisioneve zgjedhore.<br />Gjatë prezantimit të projektligjit, Damian Gjiknuri u shpreh se produkti adreson shqetësime të ngritura nga opozita parlamentare, por nuk arriti që të adresojë të gjitha rekomandimet e OSBE-së, pasi sipas tij, më shumë se standardi i ODHIR prevaloi interesi politik. <br />?Janë reflektuar të gjitha kërkesat e opozitës jashtë parlamentare. Hapja e listave mund të sjellë tensionet dhe probleme, sikur e kam thënë, nuk duhet të kemi droje për këtë?, u shpreh Gjiknuri.<br />Rudina Hajdari, si e pjesë e Këshillit Politik që miratoi draftin e paraqitur në Kuvend, tha se marrëveshja e arritur më 5 Qershor nuk ka të bëj me Reformën, por shërbeu vetëm për të kthyer opozitën jashtë parlamentare në sistem.<br />?Marrëveshja në Këshillin Politik nuk është e plotë, nuk na ndalon askush që të bëjmë të plotë për iniciativën kushtetuese që u miratuan dje për ndryshime të tjera, për të pasur një reformë të plotë. Ajo marrëveshje nuk ka vlerë derisa nuk përfshin kërkesat e opozitës parlamentare?, tha Hajdari. <br />Pjesë e debateve në Komision u bë edhe deklarata e një dite më parë e Presidentit të Republikës, i cili e konsideronte Kuvendin ilegjitim për të miratuar ndryshimet kushtetuese.<br />?Si do të kaloni kur Presidenti njeh vetëm 82 vota, nisma do 84. Por nëse miratohet a do e dekretojë Presidenti këtë, pasi njihet edhe si gardian i fortë i Kushtetutës, por edhe ai është i dakordësuar më drafin?, tha Lita.<br />?Meta ka thënë nëse kalon marrëveshjen je i ligjshëm, pra nëse e voton sikur e ka sjellë Këshilli Politik je i ligjshëm, po se votove unë po flas në fakt je i paligjshëm?, u shpreh Manja.<br />Lidhur me këtë reagoi edhe Kryeministri Edi Rama, i cili nënvizoi faktin se drafti u miratua pa konsensus sepse opozita parlamentare vijon ta kundërshtojë marrëveshjen për mosdepolitizimin e administratës zgjedhore, kërkuar si kusht nga Partia Demokratike.<br />Tv Klan<br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
